|
Mariage religieux
: |
Adveu fourny a la seigneurie de Kerlech par Guyone Vaillant, de ses herittages au terrouer de Kerdeniel, parroisse de Ploudalmezeau, chargés l'an de cheffrante de vingt solz monnaie de cheffrante, du 4e janvier 1573. (…) Successions Yvon Vaillant et Margueritte Jestin sa femme."
"Devant nous notaires soubzsignants, ont esté presentz en personnes, Guillaume Quemeneur et Guyonne Vaillant sa femme, demeurantz ou villaige de Ville neuffve en la parroisse de Ploudalmezeau, laquelle Vaillant presentement auctorizée de sondit mary au contenu en cestes, tenir, fournir, accomplir et entheriner, congnoit et confesse tenir, et tient de fief lige et proche au fond, subjectz a debvoir de foy, hommaige, rachapt et aultres debvoirs seigneuryaulx quant le cas advient et eschoit, de noble et puissant missire Claude, sires de Kerlech, Lamrinou, Lescazval, Chateanfaultier, Keruzval, etc., chevallier de l'ordre du roy notre sire, a cause de sadite piece et seigneurye de Kerlech, les heritaiges cy après describez, a elle escheuz des successions heritieres feuz Yvon Vaillant et Margueritte Jestin ses pere et mere, deceddez puys dix ans en cza. Scavoir deux chambres et burons, l'ugn couvert d'ardoize et l'aultre de chaulme, sittués ou villaige de Kerdenyel en ladite parroisse, o leurs yssues, franchises et touttes aultres apartenances entre terres du sieur de Keryber de chacune part, item près sept sillons de terre en labeur au courtil de la grande maison des apartenances de laquelle sont lesdits burons, entre terre dudit sieur de Keriber devers le nort, d'ugn costé, et terre aux hoirs Francoyse Vaillant sa seur, a laquelle estoit echeue ladite maison et le parssus dudit courtil devers le mydy, contenant la sepmance de troys quartz boisseau de (froment ?) gouenou comble, et par journel la sexiesme partye d'ugn journel de terre chaulde a la charrue, quelz heritaiges, tient et maneuvre soubz lesdits mariez, Tanguy Jaouhen pour la some de quarente soulz monnaie, en oultre payer la charge, et sont chargés audict (sieur ?) de la somme de vignt soulz monnaie de cheffrente par an, a chacun terme de Nouel, (ou au) ban, assignation de ses aultres rentes et cheffrentes en ladite parroesse oudict (lieu ?) et seigneur de Kerlech, laquelle charge promet et s’oblige ladicte Vaillant, o ladicte auctoritté, payer, rendre et faire avoir audict sieur comme est cy dessus declairé, tout ce que dessus estre vroy, ont esté lesdicts mariez congnoissantz et confessantz envers nous notaires soubz scriptz, stripullantz et acceptantz l’effect et contenu en cestes pour ledict sieur, promectantz et s’obligeantz ainsi les tenir, fournir, entheriner et ne venir encontre, soubz obligation et ypothecque desdicts heritaiges et leurs biens meubles, et par leurs sermentz. Faict et gréé par la Court du Chastel, o soubzmission et proroguation de jurisdiction f(aicte ?) a icelle ce touchant, soubz le scell d’icelle et le sign de noble Francoys Lescazval prié par lesdicts mariez de signer cestes pour eulx, affirmantz ne scavoir signer, oultre le notaires soubzsignés, devant la demeurance de noble Tanguy Le Ros au bourg parroissiel de ladicte parroisse, le quatriesme jour de janvier l’an mil cinq centz soixante treze. Approuvé en interligne soultz, quartz, Nouel, ban.
Ros. F. Lescazval. Keruznou." (ADF, 1 E 972)
Commune
Lieu dit
Cote
Date
aveux du canton de Ploudalmézeau, Lannilis et Saint Renan série 1E
Ploudalmézeau
Kerdeniel
1E972
11/11/1580
Jan PELLEN garde de Jehan et Barbe PELLEN enfants (x Françoise VAILLANT (+3)….demi-maison avec jean VAILLANT ? (MENGANT) et Guillaume QUEMENEUR père enfants (x Guyonne VAILLANT (+))
Ploudalmézeau
Kerdeniel
1E972
06/03/1613
Claude QUEMENEUR, Michel KERBERENES x Jeanne QUEMENEUR….de Guyonne VAILLANT mère (+30)
Ploudalmézeau
Kerdeniel
1E972
14/11/1580
Guillaume QUEMENEUR père enf (x Guyonne VAILLANT (+)) (kerveus Ploudalmézeau) Contribution Tanguy MENGANT
Ploudalmézeau
Kerdeniel
1E972
15/01/1573
Guillaume QUEMENEUR père enf (x Guyonne VAILLANT (+)) (Villeneuve Ploudalmézeau) …de Yvon VAILLANT (+8) x Marguerite JESTIN (+8) père et mère
|
QUEMENEUR
Guillaume
LE MENN Gratienne ( ? - ? )
QUEMENEUR
Guillaume
- 17 284
VAILLANT Guyonne ( ? - ~ 1584 )
