|
Décès
: |
28 juillet 1684
à
Ploudalmézeau
Le 11-06-1666, devant les notaires du siège royal de St Renan et Brest, ont comparu "hault et puissant messire Pierre Claude de Kerlech seigneur baron dudit lieu, Lescarval, Campir, Pont an blez, etc, demeurant à présent audit chateau de Kerlech parroisse de Plouedalmézeau, d'une part, et Jean Bescond demeurant à Kerguezren en ladite paroisse d'aultre, lequel seigneur a baillé à tiltre de ferme de neuff ans commencantz au premier jour d'apvrill mil six centz soixante et huict et finissant à pareill jour et terme, iceux expirés, audit preneur acceptant, scavoir est le manoir de Lescarval scitué en la parroisse de Ploueguen dépendant de la dite baronnie de Kerlech, avec touttes et chescunes les terres en despandances, tant chauddes que froides, leurs issues, servittudes et appartenances, ainsy que Jan Pottin jouist à présent dudit lieu sans réservation, pour de la part dudit Bescond fermier, payer par chescun an audict seigneur bailleur, à chescun dict premier jour d'apvrill durant ledit temps de neuff ans, la somme de cincquante quattre escus par argent, quattre boisseaux froment, quattre boisseaux saigle, huict boisseaux avoine, douze chappons, douze poulles, un veau, un mouton, un chevreau et trante livres de beurre net au fort poidz, faire les corvées ordinaires, suivre le moullin de chateau gaultier, sans pouvoir coupper auchuns bois, deffendus subroger ny soubz fermer ledict lieu ny partie de ses despandances sans le gré dudict seigneur, ains travailler ledit lieu en bon père de famille, à tout quoy ledit preneur a obligé tous et chescuns ses biens tant meubles que immeubles, à y estre contrainct, par exécution et vante de ses dits biens meuble de jour à autre, faulte de payement et enthérinence de ce que dessus, comme pour deniers royaux et à gage tous juges, et ses immeubles saizis à la coustume, de ce jour se tenant tout sommé, à quoy nous dits notaires l'avons de son consentement condempné, par le garantage luy promis par ledit seigneur, et pour commission ledit preneur promet payer audict seigneur la somme de deux centz livres tournois et une pistolle à madame sa compagne et veuve une autre pistolle aux officiers et lieuttenent de la dite maison de Kerlech, le tout à la première recquete dudit seigneur, faict et gréé desdictes partyes soubz leurs signs et les nostres, audict chateau de Kerlech, lesdits jour et an, ainsy signé au registre P. C. de Kerlech, Yan Bescond, Y. Mazcon notaire royal et J. le Vaillant aussy notaire royal registrateur. J. le Vaillant notaire royal." (source : AD 29, 1E517).
Le 28-7-1684 à Ploudal. : "Jean Bescont aagé d'environ soixante cinq ans mourust catholiquement au village de Coatancurruet le vingt huitiesme jour de juillet l'an mil six centz quatre vingt quatre, son corps fust inhumé dans l'eglise de céans le trantiesme desdits mois et an que dessus, et assisterent au convoy Jeanne et Marie Bescont ses filles, Jean Mazé et Guillaume Helyès ses gendres et plusieurs autres qui ne scavent signer, les obseques faictes par le soubzsignant soubzcuré. Y : Tanguy, soubzcuré." (ADF, 1 MI EC 218/2, BMS de Ploudal. 1669-1690).
"Ce jour onziesme du mois de juin l'an mil six centz soixante six, sont comparus en personnes devant les soubzsignants notaires au siège royal de Sainct Renan et Brest avec soubzmission à icelle, hault et puissant messire Pierre Claude de Kerlech seigneur baron dudit lieu, Lescarval, Campir, Pont an blez, etc, demeurant à présent audit chateau de Kerlech parroisse de Plouedalmézeau, d'une part, et Jean Bescond demeurant à Kerguezres en ladite paroisse d'aultre, lequel seigneur a baillé à tiltre de ferme de neuff ans commencantz au premier jour d'apvrill mil six centz soixante et huict et finissant à pareill jour et terme, iceux expirés, audit preneur acceptant, scavoir est le manoir de Lescarval scitué en la parroisse de Ploueguen dépendant de la dite baronnie de Kerlech, avec touttes et chescunes les terres en despandances, tant chauddes que froides, leurs issues, servittudes et appartenances, ainsy que Jan Pottin jouist à présent dudit lieu sans réservation, pour de la part dudit Bescond fermier, payer par chescun an audict seigneur bailleur, à chescun dict premier jour d'apvrill durant ledit temps de neuff ans, la somme de cincquante quattre escus par argent, quattre boisseaux froment, quattre boisseaux saigle, huict boisseaux avoine, douze chappons, douze poulles, un veau, un mouton, un chevreau et trante livres de beurre net au fort poidz, faire les corvées ordinaires, suivre le moullin de Chateau gaultier, sans pouvoir coupper auchuns bois deffendus, subroger ny soubz fermer ledict lieu ny partie de ses despandances sans le gré dudict seigneur, ains travailler ledit lieu en bon père de famille, à tout quoy ledit preneur a obligé tous et chescuns ses biens tant meubles que immeubles, à y estre contrainct, par exécution et vante de ses dits biens meuble de jour à autre, faulte de payement et enthérinence de ce que dessus, comme pour deniers royaux et à gage tous jugés, et ses immeubles saizis à la coustume, de ce jour se tenant tout sommé, à quoy nous dits notaires l'avons de son consentement condempné, par le garantage luy promis par ledit seigneur, et pour commission ledit preneur promet payer audict seigneur la somme de deux centz livres tournois et une pistolle à madame sa compagne et veuve une autre pistolle aux officiers et lieuttenent de la dite maison de Kerlech, le tout à la première recquete dudit seigneur, faict et gréé desdictes partyes soubz leurs signs et les nostres, audict chateau de Kerlech, lesdits jour et an, ainsy signé au registre P. C. de Kerlech, Yan Bescond, Y. Mazcon notaire royal et J. le Vaillant aussy notaire royal registrateur. J. le Vaillant notaire royal."
Source : Arch. Dép. Finistère, 1E517
|
BESCOND
Jean
- 4 270
THOMAS Marguerite ( ? - ? )
BESCOND Thomas ( 1642 - ? )
BESCOND Catherine ( 1646 - ? )
