|
Décès
: |
avant 1679
« Le premier juillet 1679 devant nous, a comparus Anne Lanuzel cy devant veuve de deffunt Sebastien Pilven & curattrice de ses enffens de leur mariage, demeurant au manoir et bourg parroissial de Larrest, laquelle a remonstré vers ledit p..., qu'elle a du, depuis son institution, convoller en secondes nopces avecq Francois Pilven et ainsi n'ayant plus la qualitté de curattrice de sesdits enfens, (et pour la conserver ??), elle auroit fait comparoir en ce lieu leurs parens pour delliberer touchant l'institution d'un nouveau curatteur à sesdits mineurs, declarant voulloir estre continuée en ladite charge, moyennant leur consantement & cellui de sondit mari a…. qu'elle a aussi fait comparoir pour faire sa declaration sy … il entend … ladite charge, ce pourquoi recquier qu'il ap…. ay satisfait & ne sachante signer, a signé a sa recquete Mr François De Lanozuou c(ommiss)aire au Greffe.
Le Guevuel. Lanozuou.
En l'endroit se sont présentés Pierre Pen, mari de Marye Pilven, demeurant au village de R..es, parroisse de Portzpodeur, ladite Pilven sœur dudit François Pilven,
Hervé Salliou parent au tiers degré dudit Francois Pilven, demeurant au mannoir de Saint Dennec, parroisse dudit Larrest
Bernard Miri, père et garde natturel de ses enffens, de son mariage avecq deffuncte Janne Pilven, sa femme deffunte, demeurant en Landunvez
Jan Cornen, mari et de Marye Pilven, aussi sœur dudit deffunct, demeurant à Kergastel en Plourin
Lesquels sont d'advis que ladite veuve soit continuée en ladite charge de curattrice de sesdits mineurs, soubs l'auctorité dudit Francois Pilven son mari, moyennant qu'elle veille l'authoriser et qu'elle s'y gouverne conformément à l'advis de leurs parens, porté par le comparant de ladite institution, et a ledit Pierre Pen signé, les autres affirmants ne scavoir signer, ont signé a leur requete, scavoir pour ledit Salliou, Mr Hervé Le Dall de Sainct Renan, pour ledit Miri, Mathieu Lespagnol du village de Pratpaol parroisse de Portzpodeur, & pour ledit Cornen, Nicollas Prat aussi dudit Sainct Renan.
Pierre Pen. Le Dall. Mathieu Spagnol. Nicolas Le Prat.
Assy s'est présenté ledit Francois Pilven, lequel a declaré authoriser sadite femme dans ladite charge de curattrice de sesdits enffens, et ne sachant signer, a signé a sa recquete, Jan Floch de cette ville.
Jan Floch.
De tout quoy avons decerné acte, eu esguard à l'advis desdits parens & ouy ledit s(ieu)r Deur… en ses conclusions, a esté ladite Lanuzel continuée en ladite charge de curattice de sesdits enffens mineurs, soubz l'aucthorité dudit Francois Pilven, à present son mari, auquel avons ordonné de prester le sermant de se bien & fidellement comporter au faict de ladite aucthorisation, ce qu'il a en l'endroit fait, après lui avoir fait lever la main à la manniere accoustumée, & a ledit Floch d'abondant signé pour ledit Pilven, au parsus sont lesdits parens condemnés de demeurer cauption & le … lesdits jour et an.
Charles Penfentenyou. Jan Floch. Francois De Launay. »
|
PILVEN
Barthélémy
DENIEL Marie ( ? - 1705 )
