|
Mariage religieux
: |
source Eric KERRENEUR
« Par la court de Sainct Rennan avec souzmission & prorogation de jurisdiction juré a icelle pour le contenu en cestes entheriner ont esté presantz en droict establis Xptofle Le Guen demeurant au villaige de Kerezcat en la parroisse de Ploudalmezeo, d’une part, et Allain Predour demeurant a Penpoull parroisse de Toussainctz evesché de Leon d’autre, lequel Predour a vandu presantement et par cestes vand baille livre cedde octroye et transporte audit Le Guen stipullant et acceptant, scavoir est au terrouer an Kerigou en ladite parroisse de Ploudalmezeo six seillons de terre en labeur entre terre Mazé Predour et terre (espace laissé en blanc), Item au terrouer de Lesidec en ladite parroisse de Ploudalmezeao sept seillons et demy de terre en labeur sittués entre terre Margaritte Predour & terre Jan an (espace laissé en blanc) et en genneral tous les autres terres et herittaiges audit predour escheuz et advenuz par le debcoix de feue Marye … (nom laissé en blanc) sa mere sans rien reserver le faisant son procureur (is vem ?) causeyant et cessionnaire avec pouvoir exprès de demander son droictz esdictz herittaiges par le moyen du poyement presantement faict par ledit Le Guen audit Predour de la somme et nombre de vingt escuz d'or soll, desquelz ledit Predour le quicte a celle cause promectant et par cestes promect ledit predour garantir & faire jour ledit Le Guen, ses hoirs et causeyanz, desdits herittaiges de ce jour sauf terme de racquict de huy en six ans prochains venantz, et ceppandant jouira ledit Le Guen desdictz herittaiges et de sondict droict (espace laissé en blanc) pour les arreaiges de la presante vantte, et en cas que ledict Predour ne pourra faire le racquict desdits herittaiges et droict de sucession dedans ledit terme, consant ledit Predour que ledit Le Guen puisse prandre la possession reelle et corporelle desdits herittaiges de son acutoritté proppre sans aultre moyen de Justice ny partye appeler en jugement, et par ce moyen s’est ledit vandeur démis devestu et dessaisy desdits herittaiges et droict de ladite succession sauf ledit terme d’acquict, et a mis vestu et saist ledit achepteur en iceulx. Tout ce que dessus, ainsiy tenir fournir et entheriner, s’obligent lesdites partyes souz obligation et yppottecque de leurs biens et par leurs sermantz. Lesquelz heritaiges affirme ledit vandeur estre tenuz du fieff de Monsieur de (Keranmar) a cause
de sa seigneurye de Lesidec en poyant ledit achepteur par chescun an tel debvoir de cheffranttes et vanttes jusques & l’afferant dudit vandeur, icelluy vandeur puissse debvoir a seigneur ou seigneurs en contribution avec ses autres confreres. En themoign de ce, le scel des contratz de ladite court, a cestes mis. Ce fust faict et gréé au bourg parroissial de Ploudalmezeo en la demeurance de Francoys Kernattous l’ung des nottaires souzsignantz avec le signe de Jullien Porret aultre nottaire de ladite court acecq le signe et contremerche dudit Predour et a raison que ledit Le Guen affirme ne scavoir signer, faict mectre son contremerche a prié Bernard Lavanaant (sic) a signer cestes pour luy, le dernier jour de febvrier l’an mil cinq centz quatre vingtz et ung ainsiy signé B Avannant Porret & F Kernattous nottaires.
Je soubsignant, cognois & confesse estre poyé et satisfaict par Vallance Taden, les vanttes et loddes a moy debuz a cause du contractement et vandictions des herittaiges cy dessus describés, desquelz vanttes et loddes quicte ledit Taden et promectz l’acquicter vers tous sauf avoir double dudit contrat et piesces par escript des herittaiges, en themoign de ce ay signé cestes (le) quatriesme jour d’avril l’an mil cinq centz quatre vingtz et huict ainsiy signé C Keryar.
Ce vingt et deuxiesme jour de novembre l’an mil cinq centz quatre vingtz et traize par la court de Sainct Reunan Catherine Pedour femme espouse Xptofle an Arziagon a ce jour racquicts le contrat cy dessus en princippal et accessoires de Vallance Taden veuffve Xptofle Le Guen des aultres cedulles et obligations que ladite Taden tenoict en main icelle subrogation faicte avecque (randictions ?) desdites obligatoins par ladite Taden a ladite Predour pour le nombre de vingt et quatre escuz soll et cinq soultz monnoye poyer presantement par ladite Predour et ladite Taden et dont elle
quicte ladite Predour ausdictes causes, promectant & s’obligeant ladite Taden par cestes ne venir jamays encontre, soubz obligation et yppottecque de tous ses biens et par son sermant. Ce fut faict et gréé stippullé et acepté ont lesdites partyes au bourg de Ploudalmezeo en la demeurance de Herouise Mazeas souz le signe de noble Tanguy Manyou sieur de Peros a la requete desdites partyes ne sachantz signer, en oultre les signs (espace laissé en blanc) nottaires soubzsignantz lesdits jour et an susdict ainsiy signé T Manyou et J aultred. » (source : Arch. Dép. du Finistère, D 60).
|
TADEN
Nicolas
LE HIR Anne ( ? - ? )
TADEN
Valence
- 9 783
LE GUEN Christophe ( ? - < 1593 )
