|
Mariage religieux
: |
vers 1646
Fiche 1733 du CGF de Brest
1 E 1164 Kermenguy Plourin
Keramboulchen
H.G. Robert JEZEQUEL x Anne TREBAOL (Kerlorec Plouarzel), Fa Charles TREBAOL (+) x Me LE GOUARECHEUR
Fs et Jean TREBAOL, Mgte LE GOURBIAN ve Louis TREBAOL cur enf
Pierre LE GELEBART cur enf ( x Me TREBAOL(+) ), Béatrice TREBAOL et Fs TREBAOL enf min de Charles TREBAOL (+) et Béatrice BOTOREL
Fs COROLLEUR fs autre FS COROLLEUR et Béatrice BOTOREL hér de Me GOUARACHEUR son aïeule mat. (manoir Keramblan Milizac) et Me LESTIDEAU ve Claude KERMAREC et Guil GENTRE
cote 1 E 1164
Du 15-6-1673
"Sont les lottyes que honnorables gentz Robert Jezequel et Anne Trebaol sa femme, comme icelle Trebaol fille du dernier lict de deffunct Charles Trebaol et Marye Le Gouezreneur, fournissent à Francois et Jan Trebaol, Marguerite Le Gourbihan veuffve Louis Trebaol comme mere et curatrice de ses enffentz, et Pierre Le Gellebart comme pere et garde natturel de ses enffentz avecq deffuncte Marie Trebaol, Beatrice Trebaol et Francoys Corolleur, mineur dudit deffunct Charles Trebaol et Beatrice Botorel
Et premier,
Premiere lottie - la lottie a Charles Trebaul
La maison ou demeure Janne Petton au village de Keranbouchen et un courtil y joignant avecq la moittyé d'aultre courtil de jouxte, tenu du fieff de la seigneurye de La Tour soubz leur cotte part et afferant de la charge,
Plus la moittié de deux parcqz terre chaude sittués au terrouer du Penfrat parroisse de Landunvetz, revenantz à cincq livres de rante annuelle et rellevantz du proche fieff de la juridiction du Chastel, quitte de charge,
Seconde lottye - Ceste lottie a Pierre Gellebart.
Audit terrouer et parroisse, un parcq et piece de terre chaude nommé parcq Pen an liortz, ayant ses fossés au boult devers occidant, tenu du fieff de La Tour, quitte de charge,
Troisiesme lottye - pour Francois Trebaul absant.
Audit teriouuer et parroisse, un parcq terre chaude nommé Parcq ar Calvez, ayantz ses fos et fossés tout entour, plus leur interest et afferant dans Liortz parciq, indivis avecq les Jestins, tenus du fieff de La Tour, plus a prandre et recepvoir dessus lesdits heritages y sittués, la somme de troys livres quinze solz,
Quatriesme lottie.
La maison menale couverte de gled sittué au terrouer de Kerenguen en la parroisse de Lanildut avecq l'aire et courtil et leurs franchises, avecq traize seillons de terre sittués au terrouer de Rubrat dans Parcq mes an guen, en la parrroisse de Plouerin, tenus en ferme par Jan Pillven et rellevantz du fieff de Goverbihan soubz la tierce partye de la charge dessus Kerenguen,
Plus une piece de terre maneuffré par Bernard Meri, tenus du fieff de la seigneurye de Kergadiou, quitte de charge,
Cinquiesme lottye.
Audit Kerenguen, deux creches estantz sur la cour de ladite maison, avecq un parcq terre chaude joignant le chemin le plus esloigné de ladite maison, avecq la moittyé d'aultre parcq y joignant, aussy terre chaude, au costé devers l'oriant, estantz dudit fieff de Kergroadès, soubz pareille portion tierce partye de la charge,
Sixiesme lottie - Pour Jan Trebaul.
Plus aultre parc audit terrouer et parroisse, nommé le Parc creiz avecq la moittyé dudit parcq desnomé dansla derniere lottie, estantz dudit fieff et soubz pareille tierce partye de la charge,
De plus, lesdits Jezecquel et femme declarent que Francois Corolleur filz aultre Francoys Corolleur et Beatrice Bottorel, comme heritier de Marye Le Gouezreneur son ayeulle maternelle et mere desdits parteageantz, pour son interest et partage dudit estoc, la some de soixante solz a prandre desus les herittages sittués au terrouer de Keranbleau en la parroisse de Milisac, indivis entre lesdits partageantz et Marye Lestideau veuffve Claude Kermarec et Guillaume Le Gentre.
Devant nous notaires soubzsignantz, jurés et receus en la cour et juridiction de Kergroadès et du Gouverbihan, avecq soubzmission y jurée, a comparu en sa personne honnorable homme Robert Jezecquel mary et procureur de droictz d'Anne Trebaol sa femme, demeurant au lieu de Kerliver parroisse de Plouarzel, lequel suivant sentance esmanée de ladite juridiction d'entre ledit Jezecquel, Francoys, Jan et Beatrice Trebaol, Margueritte Le Gourbian veuffve feu Louys Trebaol et mere et curatrice de ses enffens, et Pierre Le Gellebart pere et garde natturel de ses enffens de son mariage avecq deffuncte Marye Trebaol, et ledit Jezecquel a affirmé avoir faict cy dessus et de l'aultre part, fidellement sellon sa science, offrant de fournir coppye de cestes sauff à eux de faire ellection chacun en son rang et ordre, sans prejudice, sans prejudice (sic) de ses fraiz et action faict ce touchant, et a ledit Jezecquel signé. Le gréé prins en la demeurance de Francoys Le Gaignon le 15e juin 1673 au raport de J : Saouzanet, notaire registrateur." (Arch. Dép. Finistère, 1 E 1164)
La maison de Kerenguen en Lanildut (citée dans la 4e lotie) et son ancien propriétaire Charles Trebaol, se retrouvent dans cet aveu de 1652 :
2-5-1652 "Devant nous nottaires jurés et reczeus en la court de Sainct renan & brest & celle du marquisat de Kergroades & du Gouverbihan avecq soubzmission et prorogation de jurisdiction y jurée, ont comparus en leurs personnes Charles Trebaul demeurant au convenant noble d'Helles parroisse de Plourin & Marye Vallanche (ou Ballanche ?) veufve esté en premieres nopczes de feu Prigeant Trebaul et a present feme en secondes nopczes de Jan le Sancquer demeurans au manoir de Quermen.. (Quermeno ??) dicte parroisse de Plourin, ladite Valanche presantement et de sondit mary aucthorisée, lesquelz ont cogneu et par la presante cognoissent et advouent tenir & posseder a debvoir de foye, homage chembellenage, vantes, lodes, rachapt cas advenant & tous autres debvoirs seigneuriaulx, de & soubz haut & puissant Messire francois Kergroades seigneur marquis dudit lieu, baron de Kerlech, chastellain de Kerozal, seigneur du Gouverbihan &a et ce pour & a cause de sadicte seigneurye & jurisdiction de Gouverbihan, les pieces et herittages cy apprès.
Scavoir au terouer & vilage de Kerenguen parroisse de lanilldut, une maison couvertte de gled, sa cour close, buron, vaulx, aire, yssues, franchisses, despandances avecque le courtil et jardin joignant ladite maison devers l'occidant, item joignant l'aire dudit lyeu un parc terre chaude dict parc an fourn, autre parc terre chaude dict parc an (ger ?), donnant devers le septentrion sur le grand chemin illecques et devers oryant sur terres depandanttes du lyeu de Landreffilli, duquel endroict il n'a ses fossez, & joignant le courtil dudit lyeu, un autre parc terre chaude dict parc an liorz et donne devers le midy sur terre dudit lyeu de Landrefilli, ayant ses fossés tout au thour & de jouxte, autre parc dict vulgairement an parc tosta, de Landrefilli, avecque ses droictz de fossés donnant pareillement devers le midy sur le jardrin dudict Landrefilli, et d'aultres endroictz sur terres desdicts advouants, audict terrouer la tiercze partye d'un parc dict an parc lan avecques pareille tiercze partye de ses fossés, pour le parssus appartyent aux hoirs Jan Gellebart et Jan Lannuzel et Yvon Cozian son beau frere, donnant devers oryant sur la franchise illecque, et devers occidant sur terres du seigneur de Kergadiou et devers septentrion sur terre des hoirs dudit Gelebart, vallant par an la some de quarante huict livres thournois soubz la charge de saize soultz de cheffrantte, advenuz audits advouants de la succession de feu Prigeant Trebaul decedé cincquante ans sont ou environ, Ce que dessus affirment lesdits advouans contenir veritté prometan contynuer a l'advenir le payement de ladite cheffrantte aulx ban et assignation des aultres cheffranttes de la dite seigneurye du Goverbihan a payement de l'amande et l'amande payer par checun deffault, et se gouverner envers le seigneur ainsin que la seigneurye de ligance le requiert, & non venir encontre, soubz obligation de tous leurs biens et hipoteque specialle du fond desdicts herittiages et par leur sermant. Faict et gréé a Brellès, demeurance d'Ollyvyer Gahaignon, soubz le sign d'Ollyvyer Lannuzel de Keran… de Landunvez, le requerant ledit Charlles Trebaull, les sign d'Yvon Pondaven demeurant audict Brellè,s requerant tant ledit Sancquer que d.…, et nous nottaires le second jour de may mil six centz cincquante deux anviron midy.
Olivier Lanuzel. De Rospiec notaire royal. Y Pondaven." (source : Arch. Dép. Finistère, 10 J 4, archives de Kergroadès ; 2e CD-Rom bibliothèque du CGF à Brest)
|
TREBAOL
André
CORNEN Catherine ( ? - ? )
TREBAOL
Anne
- 10 171
TREBAOL Charles ( ? - 1663 )
