|
Mariage religieux
: |
avant 1617
24/09/1617
Le vingt quatriesme jour de septembre lan mil six centz dix sept appres midy dudict jour au bourg de Ploudalmezeo en la demeure de yvon Crauzon ont comparu en leur personne devant nous notaires, jures et receus (...) des courtz de Sainct renan et celle du chastel et par chacune delles o souzmission et prorogation de jurisdiction tanguy Lostis et marie Buzic sa femme demeurantz en la parroisse de Plouguin dune part et yvon Lesteven et marie Le dreff sa feme de luy permettre , auctorisée au contenu yceux demeurantz en la parroisse de Ploudalmezeo daultre partye lesquelz maries o ladicte auctorite ont baille , livre et transporte et par cestes ils vendent , baillent , livrent et transportent ausdictz Lhostis et femme aceptant pour en jouir eulx leurs hoirs et causeyantz a jamais scavoir est en ladicte parroisse de Ploudalmezeo au villaige de treompan une maison couverte dardoise avecq un buron couvert de gled avecq l'aire , jardins et courtil , yssues , franchises et appartenances ou demeurent a presant lesdictz vandeurs , lesdictz maison et courtil et leurdict appartenance sittues entre la franchise dicte la franchise de treompan , terre de guillaume Lescob prestre , ollivier Croguenec checun en son endroict affirmantz lesdictz vandeurs navoir jamais fait cession ny transport desdictz herittaiges a aultres que ausdictz acquereurs quilz sont tenuz du fieff de la seigneurie de kerlech souz la charge d'un demy boesseau fourment meseure guitalmezeo et quatre deniers monnoye de cheffrente et quitte daultre charge , ladicte ventte fayte pour le pris et somme de soixante neuff livres et payer (...) par lesdictz acquereurs ausdictz vandeurs en ladicte auctorite scavoir par avant ce jour la somme de huict livres tournoye come lesdictz vandeurs et cognoissent (...) la somme de dix neuff livres en especes de saize soultz en bons payantz a presant cours lesquelz (pliure dans le texte) pour le parsus de ladicte somme de soixante neuff livrestournoye quy font quarente deux livres tournoye , lesdictz acquereur promectent et sobligent bailler, payer, vendre et faire acte ausdictz vandeurs dans la foire de monsieur sainct lucas prochain veu souz obigation de tout leur bien , et par le serment sur laquelle (...) promectent et sobligent lesidctz vandeurs o ladicte auctorite garentir lesdictz acquereurs souz obligation et ypotecque de tous et checuns leurs biens et par le serment et faire sauff coimme de racquict de debus jusques a ce jour en six ans prochains (...) pendant lequel transport jouiront lesdictz vandeurs o ladicte auctorite desdictes maison et herittaiges parce quilz payeront les arrerages ausdictz acquereurs suivant ledict du roy sans que iceulx soient nullement comprims au transport de cestes en cas de racquict et ne se faict dans ledict temps consentent lesdictz vandeurs o ladicte auctorité que lesdictz acquereurs prennent la proposition reelle actuelle et corporelle en iceulx de l'auctorite (.........)
Faict et grée audict bourg souz le sceau de l'une desdictes courtz , le seign de yvon Tassin dudict bourg pour et a la requeste desdictz vandeurs affirmantz ne scavoir signer et pour que lesdictz acquereurs disent pareillement ne scavoir signer ont prye noble jean Du ros sieur de kervizin dudict bourg de signer pour eulx o nous notaires desdictes courtz cy souzsigné lesdictz jour et an que devant ainsiy signé h.Kernatous notaire et o.Mazeas notaire royal registrateur .
aveux du canton de Ploudalmézeau, Lannilis et Saint Renan série 1E
29/03/1629
Tanguy L'HOSTIS x Marie BUZIC
18/01/1639
Guillaime L'HOSTIS x Françoise LE DREFFVES , marguerite L'HOSTIS (Plouguin) pour Tanguy et madeleine L'HOSTIS… de Tanguy L'HOSTIS père (+3) … acquis de René PREDOUR x Marguerite PELLEN (c29/09/1625)
29/09/1625
Vendeur : rené PREDOUR x marguerite PELLEN (Streat Landunvez) Acheteur : Tanguy L'HOSTIS Marie BUZIC (Kerguinabo treffbalaran Plouguin)
07/03/1689
Tanguy L'OSTIS (Kervelloc Plouguin)…de autre Tanguy L'HOASTIS (+50)x Marie BUZIC (+50) père et mère Cont: Marie LESCOP x André TALOC, Catherine LESCOP
21/04/1637
Tanguy L'OSTIS (Plouguin) , François LE DREVES x Marguerite L'HOSTIS (Plourin) pour Guillaume et Madeleine L'OSTIS frère et sœur…acquis par Tanguy L'OSTIS père (+) d'avec Yvon LESTEVEN x Marie LE DREFF
03/09/1662
Tanguy L'OSTIS (Plouguin) contribution avec Christophe PELLEAU et Olivier PROVOST, Guillaume COROLLEUR et Jeanne COROLLEUR, Yves KERJEAN, François AUTRET, …..de tanguy L'OSTIS son père (+25)
|
BUZIC
Marie
BUZIC Nicolas ( ~ 1655 - ? )
BUZIC
Marie
- 9 601
L'HOSTIS Tanguy ( ~ 1590 - 1635 )
